ގއ. މާމެންދޫ ސްކޫލުގެ އައު ޢިމާރާތް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ހުޅުއްވައި ދެއްވައިފިއެވެ.
އެމަނިކުފާނު އެ ޢިމާރާތް ހުޅުއްވައިދެއްވީ، މިހާރު އެމަނިކުފާނު ހުވަދު އަތޮޅަށް ކުރައްވާ ދަތުރުފުޅުގެ ތެރެއިން މިއަދު ހަވީރު އެރަށަށް ވަޑައިގެންނެވެ.
މާމެންދޫ ސްކޫލުގައި ދެކުލާސް ރޫމް ހިމެނޭހެން މިއަދު ހުޅުއްވައިދެއްވި އިމާރާތަކީ ޖަޕާނުގެ އެހީގައި އިމާރާތްކޮށްފައިވާ ޢިމާރާތެކެވެ.